 Յան Դյուրիցա. Հայաստանի հավաքականը ցուցադրեց իր հնարավորությունների առավելագույնը Սլովակիայի հավաքականի եւ Մոսկվայի Լոկոմոտիվի պաշտպան Յան Դյուրիցան մեկնաբանել է սլովակների 0:4 հաշվով պարտությունը Հայաստանի հավաքականին: «Հայաստանի հավաքականը դրսեւորեց իր հնարավորությունների առավելագույնը: Դարպասապահ Բերեզովսկու օրն էր, ով հրաշքներ էր գործում: Եթե մենք իրացնեինք մեր հնարավորություններն առաջին խաղակեսում, ապա այլ արդյունք կլիներ: Այդուամենայնիվ մենք ունենք Եվրո-2012-ին մասնակցելու շանս»,- Դյուրիցայի խոսքը մեջբերում է Gazeta.ru: Հայաստանի հավաքականի հարձակվող Յուրա Մովսիսյանը մեկնաբանել է Եվրո-2012-ի ընտրական մրցաշարում սլովակների նկատմամբ տարած 4:0 հաշվով հաղթանակը: «Սա մեծագույն հաղթանակ է մեզ համար: Ինձ չի զարմացնում արդյունքը, քանի որ հենց սկզբից մենք հավատում էինք միմյանց: Մենք ունեինք շանս` բոլորին ապացուցելու, որ լավ թիմ ենք: Այն փաստը, որ մենք մեր բոլոր գնդակները խփեցինք բաց խաղում` ցույց տվեց, որ մենք ունենք լավ ֆուտբոլիստներ», Մովսիսյանի խոսքը մեջբերում է ՈՒԵՖԱ-ի կայքը:
|
News
